प्रिभ्यु : एकदिवसीय मान्यताप्राप्त राष्ट्रको रुपमा नेपालको डेब्यु

नेदरल्याण्ड भर्सेस नेपाल भिआरए ग्राउण्ड, एम्सटेलभिन पहिलो एकदिवसीय बुधबार अगस्त १, स्थानीय समय ११ बजे यो ऐतिहासिक समयमा नेपालले एकदिवसीय...

नेदरल्याण्ड भर्सेस नेपाल
भिआरए ग्राउण्ड, एम्सटेलभिन
पहिलो एकदिवसीय
बुधबार अगस्त १, स्थानीय समय ११ बजे
यो ऐतिहासिक समयमा नेपालले एकदिवसीय मान्यताप्राप्त राष्ट्रको रुपमा आफ्नो यात्रा शुरुवात गर्नेछ ।
नेपालको उदयको कथा निकै रोचक छ । आइसीसी विश्वकप छनौट २०१८ मा त झन् नेपालको प्रदर्शन अविस्मरणीय रह्यो ।
पारस खड्काको रुपमा नेपालले उत्कृष्ट ब्याटसम्यान र कप्तान पाएको छ भने सन्दीप लामिछाने जस्तो उदाउँदो सुपरस्टार टोलीमा रहेका छन् ।
तर, नेपाली टोलीको परिचय यी दुई खेलाडीमा मात्र सिमित छैन । नेपाली टोलीमा लामो समय योगदान दिने अनुभवी खेलाडी बसन्त रेग्मी, सोमपाल कामी, शरद भेस्वाकर, ज्ञानेन्द्र मल्ल, शक्ति गौचन जस्ता खेलाडीहरु पनि छन् ।
आफ्नो कौशललाई न्याय गर्ने उत्कृष्ट स्वभाव र प्रदर्शनले नेपालको खेललाई रोमाञ्चक बनाउने गर्छ । करण केसी र लामिछानेबीचको ५१ रनको अन्तिम विकेटको अद्वितीय साझेदारीसँगै क्यानाडालाई हराउँदै नेपाल क्वालिफायरसम्म पुगेको थियो । झिनो अन्तरमा प्रतिस्पर्धात्मक खेल जितेकै कारण नेपालले ‘कार्डियाक किड्स’ को उपमा समेत पाएको छ ।
अब एकदिवसीय स्तरमा पुगेको नेपालले पछिल्ला खेलको यही प्रदर्शनको आधारमा खेल सुधार्दै अघि बढ्नुपर्ने देखिन्छ ।
‘हामी सधैँ यहाँसम्म आइपुग्ने सपना देख्थ्यौँ तर अबको चुनौति भनेको कसरी सुधार गर्दै अघि बढ्ने भन्ने हो । आठ वर्षअघि हामी आइसीसी विश्व क्रिकेट लिगको पाँचौ डिभिजनमा खेलिरहेका थियौँ र आगामी चार वर्षलाई एकदिवसीय खेलको मान्यतासँगै आज हामी विश्वका उत्कृष्ट १६ राष्ट्रमध्ये एक बनेका छौँ,’ आइसीसीको वेबसाइटसँग कुरा गर्दै पारसले भने ।
नेदरल्याण्डबिरुद्ध नेपालले राम्रो प्रदर्शन गर्ने आशा गरिएको छ । तर, पछिल्लो समय घरेलु टोली नेपालमाथि हाबी देखिएको छ । 
यदी नेपालमा अनुभवी खेलाडी छन् भने नेदरल्याण्डसँग अनुभव झन् त्योभन्दा बढी छ । नेदरल्याण्डले सन् १९९६ को विश्वकप क्रिकेट यता ७९ एकदिवसीय खेल खेलिसकेको छ ।
नेदरल्याण्डसँग पिइटर सिलार, वेस्ली बारेसी, स्टेफन माइब्र, म्याक्स ओ’डाउड जस्ता उत्कृष्ट खेलाडी रहेका छन् ।
त्यही भएर दुई टोलीको बीचको खेल प्रतिस्पर्धात्मक हुने अपेक्षा गरिएको छ ।

हेर्नुपर्ने खेलाडी
वेस्ली बारेसी (नेदरल्याण्ड)
 केही दिनअघि लर्डसमा वर्षाले प्रभावित भएको नेपालबिरुद्धको टी–२० खेलमा नेदरल्याण्डले १६.४ ओभरमा १७४ रन बनाउँदा बारेसीले सर्वाधिक ४४ रन बनाएका थिए । उनीसँग एक दशकको लामो अनुभव छ भने उनले २८ एकदिवसीय खेल खेलिसकेका छन् । माथिल्लो क्रममा नेदरल्याण्ड उनीमाथि नै भर पर्नेछ र नेपालले उनलाई चाँडै आउट गर्ने कोशिस गर्नेछ ।
सन्दीप लामिछाने (नेपाल)
पिचको अवस्था हेरेर भोलि हुने खेलमा सन्दीप हिरो या जिरो हुन सक्छन् । बल टर्न गर्यो भने १७ वर्षीय लेग स्पीनर नेदरल्याण्डका लागि टाउको दुखाईको विषय बन्नेछन् । विभिन्न अन्तर्राष्ट्रिय लिगको अनुभव बटुलेका सन्दीपको राम्रो प्रदर्शनमा पनि नेपालको आशा टिकेको हुनेछ ।
मैदानको अवस्था
यो मैदानमा भएको नेदरल्याण्ड र स्कटल्याण्डबीचको टी–२० खेलमा पाहुना टोलीले निर्धारित २० ओभरमा २२१ रन बनाएको थियो । त्यही भएर यो मैदानमा टिकेर खेल्न सकृ ब्याटसम्यानका लागि सहयोगी हुने अपेक्षा गर्न सकिन्छन् । तर, जवाफमा घरेलु टोली स्पीनर हामजा ताहिरको शिकार बन्दै १०६ मा अलआउट बनेको थियो । 
हालै आयोजना भएको आइसीसी महिला विश्व टी–२० छनौट २०१८ मा भने फरक फरक नतिजा देखिएको थियो । कोही टोलीले ठूलो स्कोर खडा गरेका थिए भने कोहीले रन नै बनाउन सकेनन् ।

COMMENTS





Name

Featured अटो अपराध अर्थ वाणिज्य कृषि खेलकुद दुर्घटना देश देश परिवेश परिवेश पूर्व बैङ्क भिडियाे मनोरञ्जन राजनीति राजनीति परिवेश विदेश समसामियक समाचार समाज समाज अपराध समाज परिवेश स्वास्थ्य
false
ltr
item
गुरासँ एफ्.एम्.: प्रिभ्यु : एकदिवसीय मान्यताप्राप्त राष्ट्रको रुपमा नेपालको डेब्यु
प्रिभ्यु : एकदिवसीय मान्यताप्राप्त राष्ट्रको रुपमा नेपालको डेब्यु
http://ratopati.prixa.net/media/albums/nepali_cricket_ream_3_XNKTTrbJMo.JPG
गुरासँ एफ्.एम्.
http://www.gurasfm.com/2018/07/4.html
http://www.gurasfm.com/
http://www.gurasfm.com/
http://www.gurasfm.com/2018/07/4.html
true
7688986134927037870
UTF-8
समाचार भेटाउन सकिएन सबै हेर्नुहोस थप पढ्नुहोस जवाफ दिनुहोस जवाफ नदिनुहोस हटाउनुहोस सर्जक गृह पेजहरू समाचारहरू सबै हेर्नुहोस तपाइको लागी ट्याग विगत खोज्नुहोस सबै खबरहरू तपाइले खोजे अनुसारको खबर पाउन सकिएन गृहमा फर्कनुहोस आइतबार सोमबार मङ्गल बुधबार बिहीबार शुक्रबार शनिबार आइत सोम मङ्गल बुध बिही शु्क्र शनि जनावरी फेब्रुअरी मार्च अप्रिल मे जुन जुलाइ अगस्ट सेप्टेम्वर अक्टुवर नोभेम्वर डिसेम्बर Jan Feb Mar Apr May Jun Jul Aug Sep Oct Nov Dec भर्खरै १ मिनेट पहिले $$1$$ मिनेट पहिले 1 घण्टा पहिले $$1$$ घण्टा पहिले हिजो $$1$$ दिन पहिले $$1$$ हप्ता पहिले ५ हप्ता पहिले फलोबरहरू फलो गर्नुहोस । यो उत्कृष्ट सामग्री हो । ताला हटाउनका लागी बाढ्नुहोस् । सबै कोड कपि गर्नुहोस । सबै कोड Select गर्नुहोस् । All codes were copied to your clipboard कोडहरू कपि गर्न सकिएन, कृपया [CTRL]+[C] वा ( CMD+C सँग Mac) थिच्नुहोस ।