काठमाडौँ –नेपाली काँग्रेसका सभापति तथा प्रधानमन्त्री शेरबहादुर देउवा आजबाट पश्चिम नेपालको चुनावी अभियानमा सहभागी हुँदैछन् । काँग्रेसको के...
काठमाडौँ –नेपाली काँग्रेसका सभापति तथा प्रधानमन्त्री शेरबहादुर देउवा आजबाट पश्चिम नेपालको चुनावी अभियानमा सहभागी हुँदैछन् ।काँग्रेसको केन्द्रीय निर्वाचन परिचालन समितिका संयोजक तथा नेपाली काँग्रेसका केन्द्रीय सदस्य बालकृष्ण खाँणका अनुसार आज प्रधानमन्त्रीले नेपालगन्जबाट अभियान शुरु गर्नेछन् ।
आज
नै उनलेसुरक्षा निकाय र प्रशासनिक निकायका प्रमुखसँग शान्ति सुरक्षा र
अन्य विषयमा छलफल गर्नेछन् । प्रधानमन्त्री देउवा कात्तिक २९ गते धनगढी
पुग्ने कार्यक्रम छ । सोहि दिन उनले पार्टीका उम्मेदवार तथा नेता र
कार्यकर्तासँग भेटघाट गर्ने कार्यक्रम छ ।
प्रधानमन्त्री
देउवाले सुदूरपश्चिमाञ्चलका प्रशासक र सुरक्षा निकायका प्रमुखसँग कात्तिक
२९ गते नै क्षेत्रको शान्ति, सुव्यवस्था र सुरक्षाका बारेमा पनि छलफल
गर्नेछन् । कात्तिक ३० गते प्रधानमन्त्री देउवा गृह जिल्ला डडेलधुरा
पुग्नेछन् ।
डडेलधुरा प्रधानमन्त्री
देउवाको निर्वाचन क्षेत्र पनि हो । यहाँ बामपन्थी गठबन्धनसँग देउवाको
चुनावी प्रतिस्पर्धा हुँदैछ । देउवाले मनोनयन दर्ता गर्दा पनि गृहजिल्ला
गएका थिएनन् । वारेसनामा मार्फत उनले उम्मेदवारी दर्ता गराएका थिए ।
नेता
खाँणका अनुसार प्रधानमन्त्री देउवाले आगामी मंसिर १ गते दार्चुला र
बैतडीका चुनावी सभालाई सम्बोधन गर्नुहुनेछ भने मंसिर २ गते बझाङ र बाजुराका
आमसभालाई सम्बोधन गर्नेछन् । ती जिल्लाका शान्ति सुरक्षाको अवस्थाका
बारेमा प्रशासक र सुरक्षाकर्मीसँग जानकारी लिनुहुने कार्यक्रम छ ।
प्रधानमन्त्री देउवाले त्यसपछि रुकुम, रोल्पा, जाजरकोट, जुम्ला, हुम्ला र मुगुका चुनावी सभालाई सम्बोधन गर्न जाने कार्यक्रम रहेपनि त्यसको मिति भने तय हुन सकेको छैन ।
प्रधानमन्त्री देउवाले त्यसपछि रुकुम, रोल्पा, जाजरकोट, जुम्ला, हुम्ला र मुगुका चुनावी सभालाई सम्बोधन गर्न जाने कार्यक्रम रहेपनि त्यसको मिति भने तय हुन सकेको छैन ।
पश्चिम नेपालको चुनावी अभियानमा जानुपूर्व देउवा पूर्वी नेपालका केही जिल्ला पुगेर चुनाव प्रचारमा लागेका थिए ।
