एनआरएनको कुम्भमेलामा को-को छन् प्रत्यासी ?

काठमाडौं– गैरआवासिय नेपाली संघ (एनआरएन)को आठौं विश्व सम्मेलनको चुनावी सरगर्मी बढेको छ । अन्तराष्ट्रिय सम्मेलनका लागि विश्वभर रहेका महाधिवे...

काठमाडौं– गैरआवासिय नेपाली संघ (एनआरएन)को आठौं विश्व सम्मेलनको चुनावी सरगर्मी बढेको छ । अन्तराष्ट्रिय सम्मेलनका लागि विश्वभर रहेका महाधिवेशन प्रतिनिधिहरु राजधानी ओर्लिसकेका छन् । आगामी चुनावी समिकरणका विषयमा प्रतिनिधीहरु बीच बहस र वार्ता शुरु भएको छ । आगामी नेतृत्वका लागि आफ्नो पक्षमा रिझाउन कोठे बैठकहरु पनि शुरु भएको छ ।
७७ देशमा शाखा रहेको एनआरएनको मुख्य नेतृत्वको लागि दुई जनाले आफ्नो उम्मेदवारी घोषणा गरिसकेका छन् । असोजको २८ देखि ३१ एनआरएनको 'कुम्भ मेला' हुँदैछ ।
को–को भिड्दैछन् अध्यक्षमा ?
दुई कार्यकाल उपाध्यक्षको पदमा भूमिका निर्वाह गरेका भवन भट्ट आठौं विश्व सम्मेलनका लागि अध्यक्ष पदका बलियो उम्मेदवार देखिएका छन् । घोषित उम्मेदवारहरुमा  भट्टसंग चुनावी मैदानमा प्रतिस्पर्धी देखिएका छन् – कतारबाट डिबी कार्की । वर्तमान अध्यक्ष शेष घलेसँग सातौं विश्व सम्मेलनमा पराजित भएका कार्कीले यसपटक पनि अध्यक्षमा उम्मेदवारी दिने भएका छन् । अध्यक्षमा उम्मेदवारी दिएका  भट्टलाई अर्का उपाध्यक्ष कुमार पन्तले सहयोग गर्ने बुझिएको छ । भट्ट र पन्त बीच भएको  भित्रि सहमति अनुसार यसपटक पन्तले अध्यक्षमा भट्टलाई सहयोग गर्ने र अर्को अधिवेसनमा भट्टले अध्यक्षमा पन्तलाई सहयोग गर्ने  चर्चाले चुनाबी बाताबरण गर्माएको छ । भट्टलाई एनआरएन संरक्षक जीवा लामिछानेको पनि समर्थन रहेको छ ।
वर्तमान अध्यक्ष शेष घलेले आफ्नी पत्नी जमुना घलेलाई अध्यक्षमा अगाडी सार्ने विषयले पनि चर्चा पाएको  छ । यद्यपी जमुनाको अहिलेसम्म उम्मेदवारी  घोषणा  भएको छैन । घलेले आफ्नो कार्यकालमा शुरु गरेको लाप्राक एकीकृत वस्ती निर्माणलाई सम्पन्न गर्न  र भिजन ट्वान्टी ट्वान्टीको एजेण्डालाई कार्यान्वयन तहमा लानका लागि श्रीमतीलाई अध्यक्षमा उठाउने सोंच बनाएको बुझिएको छ ।
अध्यक्षमा उम्मेदवारी घोषणा गरेका भट्ट मुलतः जापानको रेष्टुरेन्ट व्यवसायबाट आर्थिक क्षेत्रमा फड्को मारेका हुन् । नेपालमा सञ्चारमा क्षेत्रमा पनि लगानी गरेका भट्ट नेपाल पुर्वाधार कम्पनीको अध्यक्ष पनि बनिसकेका थिए । भट्टको लगानी रहेको बिबि एअरलान्स भने गति लिन नसकि बन्द अवस्थामा रहेको छ ।
हालसम्म अध्यक्षमा उम्मेदवारी घोषणा नगरेपनि दावेदारी मनस्थिती बनाएकी जमुना गुरुङ घले अष्ट्रेलियामा धनाढ्य महिलाहरुको सुचिमा छन् । घले अष्ट्रेलियाको प्रख्यात मेलर्बन इन्सिच्युट अफ टेक्नोलोजीको प्रवन्धक हुन् । घले अष्टे«लियामा ११ औं धनाढ्य महिलाको सुचिमा छिन् । घले दम्पतीको २६५ मिलियन डलर सम्पत्ती रहेको छ ।
अध्यक्षका अर्का प्रत्यासी डिबी कार्की एनआरएनको स्थापनाकाल देखि संस्थामा आवद्ध छन् । कार्कीको  कतारमा निर्माण कम्पनी द बेच जनरल सर्भिस छ । कार्कीको कम्पनीमा नेपाली कामदारहरु पनि कार्यरत छन् ।
तीन उपाध्यक्षका लागि पाँच उम्मेवार 
खुला दुई र महिला उपाध्यक्ष एक गरी  विधानमा तीन जनाको उपाध्यक्ष रहने व्यवस्था गरिएको छ । महिला उपाध्यक्षमा सपिला राजभण्डारीले उम्मेदवारी घोषणा गरेकी छन् । राजभण्डारी महिला उपाध्यक्षमा निर्विरोध बन्ने सम्भावना रहेको छ । नेपालमा स्वास्थ्य शिविर , जागरूकता कार्यक्रम, परोपकारी परियोजना र प्राकृतिक प्रकोपको समयमा सक्रिय रहेर राजभण्डारीले काम गरिरहेकी छिन् ।
सन् २०१५ मा बेष्ट एनआरएन र केहि समय अघि ‘युरोप वर्ष व्यक्तित्व’ बाट उनलाई सम्मानित गरिएको थियो ।
भवन भट्टलाई अध्यक्षमा सहयोग गर्ने गरि पुनः उपाध्यक्ष पदका आकांक्षी उम्मेदवार हुन् – कुमार पन्त । जर्मनीमा रेष्टुरेन्ट व्यवसायी रहेका पन्तको गृहजिल्ला गोर्खा हो । भट्टसँग आलोपालो गरि मुख्य पदमा रहने गरि पन्तको भित्री सहमती भएको बताइएको छ ।
उपाध्यक्षमा पुष्प थापा ,कुल आचार्य र चिरन्जीवी थापा पनि आकांक्षी देखिएका छन् । पुष्प थापा सार्तौ विश्व सम्मेलनमा वर्तमान प्रवक्ता रञ्जु थापालाई महासचिवमा  हराउन मुख्य भुमिका खेलेको भन्दै आलोचना गरिएका थियो ।
महासचिवमा पुनः बद्रि केसीको सम्भावना
एक महासचिव पदका लागि हालसम्म तीन जना उम्मेदवारले आफ्नो उम्मेदवारी घोषणा गरेका छन् । एक कार्यकाल महासचिवको पदमा विताईसकेका बद्रि केसी पुनः सोहि पदमा आकांक्षी देखिएका छन् । संचालित योजनाहरु एक कार्यकालमा पुरा गर्न असम्भव रहेकोले पुनः महासचिवमा उम्मेदवारी दिन लागेको केसीले बताए । रसियामा कार्यरत केसीले नेपालमा हाईड्रो र चिया प्रशोधन कम्पनीमा लगानी गरेका छन् । एक कार्यकाल महासचिव विताउनुको साथै पुर्व अध्यक्षहरु उपेन्द्र महतो र जिवा लामिछानेको साथ रहेकोले केसी बलियो उम्मेदवार बनेका छन् । 
हङकङ एनआरएनको दुई कार्यकाल नेतृत्व गरेका त्रिलोक गुरुङले महासचिव पदमा उम्मेदवारी घोषणा गरेका छन् । हङकङ र मकाउमा निर्माण र सुरक्षा क्षेत्रमा व्यवसाय गरेका गुरुङले लमजुङमा जन्मेका हुन् । गुरुङ हाल एनआरएनएको केन्द्रिय सल्लाहकार छन् ।
एनआरएनएको संस्थागत विकास, सांगठनिक सुधारमा लागि अनुभव र सिपलाई उपयोग गर्ने एजेण्डा सहित बेल्जियमबाट आठौं अन्तराष्ट्रिय सम्मेलनमा अर्जुन कुमार श्रेष्ठले महासचिव पदमा उम्मेद्वारी दिने घोषणा गरेका छन् । बेल्जियममा  डेढ दशक रहेका श्रेष्ठ होटल व्यवसायी ब्यबसायी हुन् । श्रेष्ठ २०१३ देखि २०१५सम्म  युरोप संयोजक बनेका थिए ।
युरोपबाट उम्मेद्वारी संख्या बढि 
 युरोप क्षेत्रबाट उपाध्यक्षका आकांक्षीहरु बढी देखिएका छन् । कुमार पन्त र पुष्प थापा  उपाध्यक्ष र अर्जुन कुमार श्रेष्ठ महासचिवका लागि भिड्ने भएका छन् ।
त्यस्तै युरोपबाट उपाध्यक्षमा  कुल आचार्य अर्का बलियो प्रतिस्पर्धी देखिएका छन् । युरोपबाट महिला उपाध्यक्षमा सपिला राज भण्डारी , महिला संयोजकमा रजनी प्रधान र युवा संयोजकमा लोकराज शर्माले उम्मृदवारी दिने निर्णय गरेका छन् । गैरआवासीय नेपाली संघ (एनआरएनए) को निर्वाचनका लागि क्षेत्रीय संयोजकमा वेलायतका थर्क सेनले आफ्नो उम्मेदवारी  घोषणा गरेका छन् ।
स्विजरल्याण्डबाट उम्मेदवारी घोषणा गरेका युरोप संयोजकका अर्का बलियो प्रतिस्पर्धी डक्टर विनय श्रेष्ठ हुन्  । गैर आवासीय नेपाली संघ स्वीटजरल्याण्डका संस्थापक उपाध्यक्ष  डा. श्रेष्ठ एनआरएनका वर्तमान आइसीसी सदस्यसमेत हुन् । युरोप संयोजकमा उम्मेदवारी दिएका श्रेष्ठ क्यान्सर रोग विशेषज्ञ हुन् ।
युरोपबाट नै  जर्मनीमा रहेका  दावा जी शेर्पा र बेल्जियमबाट प्रेम गुरुङ युरोप क्षेत्रिय संयोजकका प्रत्यासी हुन् । बेल्जियमबाट अर्का उम्मेदवार गंगाधर गौतम  युरोप संयोजकका आकांक्षीको रुपमा देखिएका छन् । युरोप क्षेत्रिय महिला उपसंयोजक पदमा बेलायतबाट संगिता मरहट्ठाले उम्मेदवारी घोषणा गरेकी छन् । होल्याण्डबाट  हरि पौडेलले पनि युरोपको क्षेत्रीय संयोजकमा उम्मेदवारी दिने घोषणा गरेका छन् । एनआरएन पोर्चुगलका निबर्तमान अध्यक्ष भिम केसी कमलले युरोप सहसंयोजकमा उम्मेदवारी घोषणा गरेका छन् ।
एसियाबाट को–को ?
वर्तमान प्रवक्ता रञ्जु थापा पदाधिकारीको आंकाक्षी देखिएपनि आफ्नो उम्मेदवारी घोषणा गरिसकेकी भने छैनन् । गोविन्द प्रसाद श्रेष्ठ (रोविन्द)ले जापानबाट  एसिया प्यासिफिक संयोजकमा  उम्मदेवारीको घोषणा गरेका छन् । एसिया संयोजकमा उम्मेदवारी घोषणा गरेका रोविन्द  एनआरएनए जापानको सदस्य, उपाध्यक्ष, आइसिसि सदस्य हुँदै दुई पटक एसिया प्यासिफिक सहसंयोजक पदमा रहेका थिए ।
त्यस्तै एसियाबाट मध्यपुर्व संयोजकमा कतारबाट आरके शर्माले उम्मेदवारी दिने बताएका छन् । शर्मा कतारका सफल व्यवसायी, समाजसेवी र एनआरएनका अभियन्ताका रुपमा चिनिन्छन् । यस्तै साउदी अरबका धरम केसीले पनि संयोजक पदमा उम्मेद्बारी घोषणा गरेका छन् । केसी बिभिन्न टास्क फोर्समा बसेर काम गरिसकेका ब्यक्ति हुन् ।
वर्तमान अध्यक्ष र पूर्व अध्यक्षहरुबीच टकराव 
चार वर्ष शेष घलेमय एनआरएन भएको थियो । भुकम्प तथा बाढी पिडितहरुको राहतका कार्यले घले संस्थामा हावी भएका थिए । लाप्राक एकीकृत वस्ती , एनआएन भवन निर्माण प्रक्रिया, वैदेशिक रोजगार राहत कोष स्थापना र भिजन  २०–२० एण्ड बियोण्डका कारणले घले चर्चामा रहिरहे ।
भिजन  २०–२० एण्ड बियोण्डको कार्ययोजनालाई प्रक्रियासंगत तरिकाले छलफलमा नल्याइएको भन्दै एनआरएनका संरक्षक जीवा लामिछानेले दशौं युरोपेली बैठकमा  प्रश्न उठाएका थिए । वर्तमान उपाध्यक्षद्धय भवन भट्ट र कुमार पन्तलाई एक आपसमा भिड्ेको अवस्थामा पुनः घलेको समर्थन निर्णायक हुने आशंकाले भट्ट र पन्तको आपसी समझदारीमा पुर्व अध्यक्षहरुको पहल गरेको बताइएको छ ।
एनआरएनहरुको कुम्भमेलाका रुपमा परिचित विश्व सम्मेलन हयात होटलमा हुँदैछ । सम्मेलनमा विश्वभरबाट एक हजार बढी सम्मेलन प्रतिनिधि सहभागी हुँदैछन् । source ratopati

COMMENTS





Name

Featured अटो अपराध अर्थ वाणिज्य कृषि खेलकुद दुर्घटना देश देश परिवेश परिवेश पूर्व बैङ्क भिडियाे मनोरञ्जन राजनीति राजनीति परिवेश विदेश समसामियक समाचार समाज समाज अपराध समाज परिवेश स्वास्थ्य
false
ltr
item
गुरासँ एफ्.एम्.: एनआरएनको कुम्भमेलामा को-को छन् प्रत्यासी ?
एनआरएनको कुम्भमेलामा को-को छन् प्रत्यासी ?
http://ratopati.prixa.net/media/albums/nrna_JegoxTvUE1.jpg
गुरासँ एफ्.एम्.
http://www.gurasfm.com/2017/10/blog-post_99.html
http://www.gurasfm.com/
http://www.gurasfm.com/
http://www.gurasfm.com/2017/10/blog-post_99.html
true
7688986134927037870
UTF-8
समाचार भेटाउन सकिएन सबै हेर्नुहोस थप पढ्नुहोस जवाफ दिनुहोस जवाफ नदिनुहोस हटाउनुहोस सर्जक गृह पेजहरू समाचारहरू सबै हेर्नुहोस तपाइको लागी ट्याग विगत खोज्नुहोस सबै खबरहरू तपाइले खोजे अनुसारको खबर पाउन सकिएन गृहमा फर्कनुहोस आइतबार सोमबार मङ्गल बुधबार बिहीबार शुक्रबार शनिबार आइत सोम मङ्गल बुध बिही शु्क्र शनि जनावरी फेब्रुअरी मार्च अप्रिल मे जुन जुलाइ अगस्ट सेप्टेम्वर अक्टुवर नोभेम्वर डिसेम्बर Jan Feb Mar Apr May Jun Jul Aug Sep Oct Nov Dec भर्खरै १ मिनेट पहिले $$1$$ मिनेट पहिले 1 घण्टा पहिले $$1$$ घण्टा पहिले हिजो $$1$$ दिन पहिले $$1$$ हप्ता पहिले ५ हप्ता पहिले फलोबरहरू फलो गर्नुहोस । यो उत्कृष्ट सामग्री हो । ताला हटाउनका लागी बाढ्नुहोस् । सबै कोड कपि गर्नुहोस । सबै कोड Select गर्नुहोस् । All codes were copied to your clipboard कोडहरू कपि गर्न सकिएन, कृपया [CTRL]+[C] वा ( CMD+C सँग Mac) थिच्नुहोस ।