सप्तरीका १८ स्थानमा कसले जित्ला ?

२६ भदौ, सप्तरी । असोज २ गते हुने स्थानीय तहको निर्वाचन आउन एक साता मात्रै बाँकी रहँदा सप्तरीमा क-कसले जित्लान् भन्नेमा अन्योल देखिएको छ । ...

२६ भदौ, सप्तरी । असोज २ गते हुने स्थानीय तहको निर्वाचन आउन एक साता मात्रै बाँकी रहँदा सप्तरीमा क-कसले जित्लान् भन्नेमा अन्योल देखिएको छ । कुन स्थानीय तहमा कसले बाजी मार्ला भन्ने कुराको निर्क्योल हालसम्म कसैले गर्न सकेको छैन ।

सप्तरी जिल्लामा १८ वटा स्थानीय तह छन् । प्रत्येक स्थानीय तहमा १० देखि १५ जनासम्मले प्रमुख पदमा उम्मेदवारी दिएका छन् ।
नगरपालिका/गाउँपालिकाको मेयर तथा प्रमुख पदमा २१२ जनाले उम्मेदबारी दिएका छन् । उपमेयर तथा उपप्रमुख पदमा १६६ जनाको उम्मेदवारी परेको छ ।
प्रत्येक स्थानीय तहमा ३ देखि चार जनासम्मको प्रतिस्पर्धा हुने देखिन्छ । विगतका अवस्थाहरुलाई नियाल्ने हो भने जिल्लामा मधेसवादी दलहरुको दबदबा रहेको छ । यद्यपि दोस्रो संविधानसभाको निर्वाचनमा कुनै पनि मधेसवादी दलले जित्न सकेका थिएनन् ।
पहिलो संविधानसभाको निर्वाचनमा जिल्लाका ६ वटै निर्वाचन क्षेत्रमा मधेसी दलहरुले नै विजयी प्राप्त गरेका थिए ।
तर, दोस्रो संविधानसभा निर्वाचनमा कुनै क्षेत्र जित्न नसकेका मधेसवादी दलहरु त्यसपछि बारम्बार आन्दोलनमै होमिएका छन् । दोस्रो संविधानसभा निर्वाचन लगत्तै सप्तरी जिल्ला मधेस आन्दोलनको प्रमुख केन्द्रबिन्दु रहँदै आएको छ ।
संविधान निर्माण हुने क्रममा पनि सप्तरी जिल्लामा आन्दोलन चर्किएको थियो । १ भदौ ०७२ मा सप्तरीकै भारदहमा प्रहरीको गोली लागेर राजीव राउतको ज्यान गएपछि समग्र मधेसका जिल्लामा आन्दोलनले तिब्रता लिएको थियो । ०७२ सालको आन्दोलनमा सप्तरीमा ६ जनाको ज्यान गएको थियो । यो आन्दोलन २३ फागुन ०७३ सम्म चल्दा थप पाँच जनाले ज्यान गुमाइसकेका छन् ।
सोही साल २३ फागुनमा एमालेको मेची-महाकाली अभियानका क्रममा तत्कालीन मधेसी मोर्चाले आन्दोलन थाल्दा प्रहरीले चलाएको गोली लागी मलेठमा ६ जनाको ज्यान गयो भने कैयौं घाइते भए ।
पहिलाको आन्दोलन होस् या मलेठमा ५ जनाको ज्यान गएको अवस्था होस्, नेपाल लोकतान्त्रिक फोरम बाहेकका सम्पूर्ण मधेसी दलहरु एक ठाउँमा थिए, संयुक्त लोकतान्त्रिक मधेसी मोर्चाका नाममा ।
तर, अहिले चुनावमा यो अवस्था फेरिएको छ । ६ वटा साना दल मिलेर राजपा, संघीय समाजवादी फोरम नेपाल र नेपाल लोकतान्त्रिक फोरम छुट्टाछुट्टै निर्वाचनमा होमिएका छन् ।
तीनवटै मधेसवादी दलहरुले स्थानीय तहको निर्वाचनमा जित्ने दावी गरिरहेका छन् । तर, दोस्रो संविधानसभाको निर्वाचनलाई नियाल्ने हो भने छुट्टाछुट्टै निर्वाचनमा जाँदा जिल्लामा कुनै पनि दलले जित्न नसकेको इतिहास ताजै छ ।
यसर्थ सप्तरीमा मधेसवादी दलहरुको पल्ला विगतको दृष्टान्तसँग जोड्ने हो भने कमजोर नरहला भन्न सकिन्न ।
यद्यपि विभिन्न गाविसलाई जोडेर नयाँ स्थानीय तहहरु निर्माण गरिएकाले कसले जित्ला भन्ने अवस्था तत्कालै बताउन गाह्रो छ ।
जातीय आधार
सप्तरीमा विगतमा भएको चुनावलाई हेर्ने हो भने जातीय भोटले पनि राम्रो काम गरेको देखिएको छ । दोस्रो संविधानसभाको परिणामले जातीय भोट मजवुत भएको देखियो । जहाँ जुन उम्मेदवारको जातीय बसोबास बढी देखिन्छ, त्यहाँ सोही समुदायका उम्मेदवारले चुनाव जितेका थिए ।
राजविराज नगरपालिकामा यसपटक जातीय भोटलाई विश्लेषण गर्ने हो भने यादव समुदायको मत बढी छ । तर, यादव समुदायबाट तीनजना उम्मेदबार छन् । सुखराम यादव (एमाले), भीमराज यादव (संघीय फोरम) र शम्भु यादव (राजपा) चुनाव लडेका छन् ।
यदि जातीय आधारलाई नै मान्ने हो भने भोट तीन ठाउँमा बाँडिन सक्छ । यसबाहेक संगठित भोटले काम गर्न सक्छ ।
राजविराजबाहेक सप्तरीका अन्य १७ वटा स्थानीय तहमा कसले चुनाव जित्छ भनेर बताउन गाह्रो छ । दलहरु आफूले नै जित्ने दावी गरिरहँदा पनि जित्ने अनुहारको आंकलन कुनै पनि स्थानीय तहमा गर्न सकिएको छैन् ।
जिल्लाको पूर्व-पश्चिम राजमार्ग छेउका स्थानीय तहमा प्रमुख दलबीच नै प्रतिस्पर्धा हुने देखिन्छ । जिल्लाको उत्तरी भेग सप्तकोशी नगरपालिका, कञ्चनरुप, सुरुङ्गा, खड्ग नगरपालिका, कृष्णासावरण गाउँपालिकामा प्रमुख दलबीच नै प्रतिस्पर्धा हुने मोटामोटी देखिन्छ ।
जिल्लाको दक्षिणतिरका स्थानीय तहहरुमा छ्यासमिस परिणाम आउने अडकलबाजी गरिँदै आएको छ l

COMMENTS





Name

Featured अटो अपराध अर्थ वाणिज्य कृषि खेलकुद दुर्घटना देश देश परिवेश परिवेश पूर्व बैङ्क भिडियाे मनोरञ्जन राजनीति राजनीति परिवेश विदेश समसामियक समाचार समाज समाज अपराध समाज परिवेश स्वास्थ्य
false
ltr
item
गुरासँ एफ्.एम्.: सप्तरीका १८ स्थानमा कसले जित्ला ?
सप्तरीका १८ स्थानमा कसले जित्ला ?
https://www.onlinekhabar.com/wp-content/uploads/2017/09/saptari-new.jpg
गुरासँ एफ्.एम्.
http://www.gurasfm.com/2017/09/blog-post_61.html
http://www.gurasfm.com/
http://www.gurasfm.com/
http://www.gurasfm.com/2017/09/blog-post_61.html
true
7688986134927037870
UTF-8
समाचार भेटाउन सकिएन सबै हेर्नुहोस थप पढ्नुहोस जवाफ दिनुहोस जवाफ नदिनुहोस हटाउनुहोस सर्जक गृह पेजहरू समाचारहरू सबै हेर्नुहोस तपाइको लागी ट्याग विगत खोज्नुहोस सबै खबरहरू तपाइले खोजे अनुसारको खबर पाउन सकिएन गृहमा फर्कनुहोस आइतबार सोमबार मङ्गल बुधबार बिहीबार शुक्रबार शनिबार आइत सोम मङ्गल बुध बिही शु्क्र शनि जनावरी फेब्रुअरी मार्च अप्रिल मे जुन जुलाइ अगस्ट सेप्टेम्वर अक्टुवर नोभेम्वर डिसेम्बर Jan Feb Mar Apr May Jun Jul Aug Sep Oct Nov Dec भर्खरै १ मिनेट पहिले $$1$$ मिनेट पहिले 1 घण्टा पहिले $$1$$ घण्टा पहिले हिजो $$1$$ दिन पहिले $$1$$ हप्ता पहिले ५ हप्ता पहिले फलोबरहरू फलो गर्नुहोस । यो उत्कृष्ट सामग्री हो । ताला हटाउनका लागी बाढ्नुहोस् । सबै कोड कपि गर्नुहोस । सबै कोड Select गर्नुहोस् । All codes were copied to your clipboard कोडहरू कपि गर्न सकिएन, कृपया [CTRL]+[C] वा ( CMD+C सँग Mac) थिच्नुहोस ।