दिल्लीमा देउवाको स्पष्टीकरणः नियत कि नियति ?

१२ भदौ, काठमाडौं । प्रधानमन्त्री शेरवहादुर देउवाको भारत भ्रमण नियमित औपचारिकता थियो । नेपालका कुनै पनि प्रधानमन्त्रीले हनिमुन अवधि पूरा नग...

१२ भदौ, काठमाडौं । प्रधानमन्त्री शेरवहादुर देउवाको भारत भ्रमण नियमित औपचारिकता थियो । नेपालका कुनै पनि प्रधानमन्त्रीले हनिमुन अवधि पूरा नगर्दै भारत भ्रमण गर्नु परम्परा नै बनिसक्यो । देउवाले त्यो परम्परा निर्वाह गर्नु टिप्पणीयोग्य विषय होइन ।
देउवाको भ्रमण सफल कि असफल भन्ने बहस उनी स्वदेश नफर्किँदै भइसकेको हो । मुलुकको प्रमुख विपक्षी दलले औपचारिक रुपमा बैठकबाटै प्रधानमन्त्रीको भ्रमणका क्रममा भएका गतिबिधि र भारतीय समकक्षी नरेन्द्र मोदीसँगको संयुक्त पत्रकार सम्मेलनमा दिएको अभिव्यक्तिप्रति गम्भिर आपत्ति प्रकट गरेको छ ।
प्रमुख विपक्षी एमालेले मात्र होइन, सत्तारुढ माओवादीका विदेश विभाग प्रमुखसमेत रहेका पूर्वपरराष्ट्रमन्त्री नारायणकाजी श्रेष्ठले दिल्लीको पत्रकार सम्मेलनमा देउवाले संविधान संशोधनका सन्दर्भमा दिएको अभिव्यक्तिले नेपाल र नेपालीको अपमान गरेको प्रतिक्रिया दिएका छन् । देउवाको अभिव्यक्तिको बचाउ कांग्रेसका कार्यवाहक सभापति बिमलेन्द्र निधि बाहेक कसैले गर्न सकेनन् ।
औपचारिक वक्तव्यमा नभएको कुरा देउवाले पत्रकार सम्मेलनमा किन बोल्न पुगे ? नेपालको संविधानलाई सर्वस्वीकार्य बनाउँछु भन्ने देउवाको अभिव्यक्तिले उनमा गम्भीर समस्या रहेको प्रष्ट हुन्छ । जुन संविधानको सपथ खाएर उनी प्रधानमन्त्री हैसियतमा दिल्लीको राजकीय भ्रमणमा गए, त्यही संविधानको धज्जी उडाउने अधिकार देउवालाई थिएन र छैन ।
भारत भ्रमणमा निस्कनुअघि संविधान संशोधन विधेयक संसदमा मतदान गराएर असफल बनाएका देउवाले दिल्लीमा जसरी संविधान सर्वस्वीकार्य बनाउने र पुनः दुई तिहाई पु¥याउन प्रयत्न गर्ने अभिव्यक्ति दिए, यो सामान्य कुरा होइन । सार्वभौम मुलुकका प्रधानमन्त्रीले हीनतावोधको हद पार गरेर संविधानको अपमान गरेका छन् ।
कुन बाध्यताले देउवाले संविधानको सन्दर्भमा अप्रासांगिक अभिव्यक्ति दिए ? कि त उनले त्यो बाध्यता खुलाउनुपर्छ, होइन भने नेपाली जनतासमक्ष माफी माग्नुपर्छ । प्रमुख प्रतिपक्षले संसदबाट उनीमाथि प्रश्न उठाइसकेको सन्दर्भमा देउवाले संसदबाट जनतालाई चित्तबुझ्दो जवाफ दिनुपर्छ । सार्वभौम संसदले टुंगो लगाइसकेको संविधान संशोधनको सन्दर्भमा प्रधानमन्त्रीको औचित्यहीन अभिव्यक्ति लम्पसारवादको पराकाष्ठा हो ।
संविधान संशोधनको उनको प्रयास असफल भएर राजपा समेत चुनावमा जाने निर्णय गरिसकेको अवस्थामा दिएको विवादस्पद अभिव्यक्तिले नेपाली स्वाभिमानमा चोट पुगेको छ । देउवाको उक्त अभिव्यक्तिको बचाउ गर्नुको अर्थ छैन । संविधान संशोधन जस्तो नेपालका नितान्त आन्तरिक मामिला र सार्वभौम संसदले किनारा लगाइसकेको मुद्दालाई दिल्लीमा लगेर प्रधानमन्त्रीले जगाउनु आपत्तिजनक र अशोभनीय विषय हो ।
मोदी सरकाले नेपालमा संविधानसभाबाट संविधान जारी नगर्न दबाव दिएकै हो । उसको दबाबका बीच संविधान जारी भएपछि नाकाबन्दी लगाएकै हो । अन्तरराष्ट्रिय मञ्चहरुमा मोदी आफैंले नेपालको संविधान विरुद्ध लबिङ गरेकै हुन् । देशभित्रै र बाह्य जगतबाट आलोचना भएपछि मोदी प्रशासनले लगाएको अघोषित नाकाबन्दी अघोषित रुपमै खुलाएको हो ।
दिल्लीका यी सबै हस्तक्षेपकारी र विस्तारवादी कदमलाई अनुमोदन गर्ने शैलीमा देउवाले हाम्रो संविधानका बारेमा दिएको अभिव्यक्तिले देशभक्त नेपालीको मन छियाछिया बनाएको छ । नाकाबन्दी बिरुद्ध कष्ट व्यहोरेर भने पनि राज्यलाई साथ दिएका नेपाली जनतामाथि प्रधानमन्त्रीबाट भएको यो भयंकर धोखा हो ।
प्रधानमन्त्रीजस्तो जिम्मेवार व्यक्तिले पराई भूमिमा पुगेर नेपाली जनतालाई उत्तर र दक्षिणमा बिभाजित गर्ने ढंगले दिएको अभिव्यक्ति राष्ट्रमाथिको धोखा हो । संविधान कहिल्यै पनि सर्वसम्मत दस्तावेज बन्न सक्दैन । जनताका चाहना र आकांक्षा अनुरुप संशोधन गर्ने कुरा नियमित प्रक्रिया हो । तर यसलाई उनले भारतमा बहसको बिषय बनाएका छन् । मानौं, भारतको चाहना पूरा गर्न सकिनँ, यसपटक माफ पाउँ,अर्को पटक फेरि प्रयास गर्छु भन्ने शैलीमा प्रधानमन्त्री प्रस्तुत हुन दुर्भाग्यपूर्ण हो ।
यदि मधेशी जनताको चाहना अनुसार उनले संविधान संशोधन गर्न चाहेका थिए भने उनले देशभित्रै पर्याप्त गृहकार्य गर्न सक्थे । जबसम्म राप्रपा एकीकृत थियो, संविधान संशोधनका लागि आवश्यक दुई तिहाई बहुमत पुग नपुग अवस्थामा थियो, तबसम्म उनले संसदमा मतदानका लागि लैजान चाहेनन् । तर आफ्नै लगानी र पहलमा राप्रपा फुटाएपछि हतार–हतार मतदानमा लगेर बिधेयक असफल पार्नुले उनले मधेस र पहाडको मनोविज्ञानमा खेल्न चाहेको प्रष्टै बुझ्ने कुरा हो ।
दिल्लीको दैलोमा स्पष्टीकरण दिने शैलीमा उनको प्रस्तुतिले देशको आत्मसम्मान गिरेको छ । सार्वभौम संसदको अपमान गरेका छन् । हाम्रो संविधान विरुद्ध अन्तर्राष्ट्रिय लबिङ गरिरहेको शक्तिसामू स्पष्टीकरण दिन उभिएको अभियुक्तका रुपमा हाम्रा प्रधानमन्त्री खडा भए । यो अपमान र हीनतावोध व्यक्तिगत रुपमा देउवाको मात्र होइन । नेपाल र नेपाली जनताको अपमान हो ।
देउवाको एकथान कुर्सीका लागि नेपालको आत्मसम्मान र स्वाभिमान साट्न किमार्थ स्वीकार्य हुन्न । संविधान संशोधन जस्तो नितान्त आन्तरिक विषयलाई पराई सामु छलफल, परामर्श र स्पष्टीकरणको विषय बनाउनु प्रधानमन्त्रीको नियत हो कि नियति ? यसबारेमा जनतालाई स्पष्टीकरण दिनैपर्छ ।
देउवालाई संविधान सर्वस्वीकार्य बनाउनुपर्ने बाध्यता छ भने त्यसका लागि उनले दिल्लीको दयामा होइन, नेपाली जनताको मन जित्न सफल हुनुपर्छ । संसदले टुंगो लगाइसकेको विषयलाई विदेशी सामू फेरि दुई तिहाई पुर्‍याउन  लाग्नेछु भनेर कान समाउँदै उठबस गर्नु भनेको देश विरुद्धको घात हो ।
आउने चुनावमा दुई तिहाई बहुमत ल्याएर उनले चाहेजस्तो संशोधन गर्ने बाटो देउवालाई खुला छ । उनी नेपाली जनताप्रति उत्तरदायी हुने कि दिल्लीप्रति ? संविधानका सन्दर्भमा उनले दिएका अभिव्यक्तिले यो प्रश्न उठाएको छ । यसलाई राजनीतिक पूर्वाग्रहको आँखाले होइन, नेपाली भएर यसको जवाफ खोजौं । हाम्रो प्रधानमन्त्रीको अपमान हामी सबैको अपमान हो ।
देउवाका प्रभू नेपाली जनता हुन्, भारतीय शासक होइनन् । उनले संविधान संशोधन गर्न नसकेको कुरा मनैदेखि स्वीकार गरेको हो भने जनतासमक्ष गएर स्पष्टीकरण दिनुपथ्र्यो, भारतीय समकक्षीको सामुन्नेमा होइन ।
अन्तमा यो प्रसंग पनि छुटाउनु हुन्न
दुई छिमेकी भारत र चीनबीच दोक्लाम विवादले तनाव सिर्जना भएका बेला कुनै एक छिमेकको राजकीय भ्रमण नगरी नहुने कुनै भाउँतो आइलागेको थिएन । उनको भ्रमणबाट मुलुकले कुनै देखिने उपलब्धी पाउनेवाला पनि थिएन र पाएन पनि । देशका लागि केही अनावश्यक सम्झौता गरेका छन् उनले । डोक्लाम मामिलामा देउवाले औपचारिकरुपमा नेपालको तटस्थता तोडेका छैनन् । तर चीनको मनमा चीसो पार्ने यो भ्रमण अहिले नै किन आवश्यक थियो ? यसको जवाफ पनि उनले दिनुपर्ने हो ।

COMMENTS





Name

Featured अटो अपराध अर्थ वाणिज्य कृषि खेलकुद दुर्घटना देश देश परिवेश परिवेश पूर्व बैङ्क भिडियाे मनोरञ्जन राजनीति राजनीति परिवेश विदेश समसामियक समाचार समाज समाज अपराध समाज परिवेश स्वास्थ्य
false
ltr
item
गुरासँ एफ्.एम्.: दिल्लीमा देउवाको स्पष्टीकरणः नियत कि नियति ?
दिल्लीमा देउवाको स्पष्टीकरणः नियत कि नियति ?
https://www.onlinekhabar.com/wp-content/uploads/2017/08/Narendramodi-receives-PM-Sher-Bahadur-Deuba-at-Hyderabad-House-1.jpg
गुरासँ एफ्.एम्.
http://www.gurasfm.com/2017/08/blog-post_14.html
http://www.gurasfm.com/
http://www.gurasfm.com/
http://www.gurasfm.com/2017/08/blog-post_14.html
true
7688986134927037870
UTF-8
समाचार भेटाउन सकिएन सबै हेर्नुहोस थप पढ्नुहोस जवाफ दिनुहोस जवाफ नदिनुहोस हटाउनुहोस सर्जक गृह पेजहरू समाचारहरू सबै हेर्नुहोस तपाइको लागी ट्याग विगत खोज्नुहोस सबै खबरहरू तपाइले खोजे अनुसारको खबर पाउन सकिएन गृहमा फर्कनुहोस आइतबार सोमबार मङ्गल बुधबार बिहीबार शुक्रबार शनिबार आइत सोम मङ्गल बुध बिही शु्क्र शनि जनावरी फेब्रुअरी मार्च अप्रिल मे जुन जुलाइ अगस्ट सेप्टेम्वर अक्टुवर नोभेम्वर डिसेम्बर Jan Feb Mar Apr May Jun Jul Aug Sep Oct Nov Dec भर्खरै १ मिनेट पहिले $$1$$ मिनेट पहिले 1 घण्टा पहिले $$1$$ घण्टा पहिले हिजो $$1$$ दिन पहिले $$1$$ हप्ता पहिले ५ हप्ता पहिले फलोबरहरू फलो गर्नुहोस । यो उत्कृष्ट सामग्री हो । ताला हटाउनका लागी बाढ्नुहोस् । सबै कोड कपि गर्नुहोस । सबै कोड Select गर्नुहोस् । All codes were copied to your clipboard कोडहरू कपि गर्न सकिएन, कृपया [CTRL]+[C] वा ( CMD+C सँग Mac) थिच्नुहोस ।